Mumu man wey dey beat woman

I tanda for my doormot dey browse my dream Bugatti Veyron moto
I com see Odeku run go wear knicker
Wan fight woman
To show say im be man.

************************

Dis mumu man no get sense o
You no sabi who woman be
She be descendant of Eve
The Mama of ya mama.

************************

Na she mould you for her belle like eba
Na she bake you for the oven of her womb
Na she teach you to waka and to talk talk
Who sai, dog wey wan lost no dey hear hunter whistle .

************************

Woman na like water wey turn to erosion
Day by day e dey comot you, and you no go know
Till the day wey you go disappear
You go think say you dey win when you don loose.

Woman na Church
Woman na war zone
Na you go chose the one wey you want
Odeku no gree, he has to beat a woman to show he is a man.

************************

Odeku nack d woman two blow for face gbosa, gbosa
D woman kwa vex carry am with im biabia knack odeku for ground, gbagaa
She pack sand sand pour am full im mouth like garri
Till Baba Kamo rush to seperate dem as she don disgrace Odeku too much.

************************

Since dat dey, Odeku too don dey tanda for im door jejely
Pim, like dis e no dey talk for yard again
Auntie Patty our compound CNN say Odeku say im don born again
Who dem go knack for ground like dat wey no go born again.
Selah.

To read another one, match ground for here jare Standing by my door

All the mumu people wey dey beat woman to show say dem be man. Make una go barrack or motor park go try power nau. Me I tanda here for my doormot dey drink my kunu jejely. Abi my people how una see de mata. Knack me ya commentary for down below make gist full ground like fried rice joo.

Na me be dis.
Da one and da only Ogbonge Traffling Poet wey full ground gidigba for efry where.

UNA DO O.